OPDATERING OOR PLEIN ONTWIKKELING

Geagte Aandeelhouers en Inwoners,

OPDATERING OOR PLEIN ONTWIKKELING

OPSOMMING : Die ontwikkeling van die nuwe plein sal vanjaar ‘n werklikheid begin word en ons wil graag die gemeenskap hiermee oor die vordering daarmee op hoogte hou.

Die Orania Ontwikkelings Maatskappy (OOM) is die ontwikkelaar van die nuwe plein (agter die Werksgebou wat reeds in aanbou is) en daar was onlangs weer gesprekke tussen hulle en die Dorpsraad om die projek se vordering te bespreek.

’n Hoog aangeskrewe argitek behoort binne die volgende maand of so ’n konsepontwerp van die uitleg van die plein gereed te hê, terwyl die ontwerp van die voetstuk van die President Kruger-standbeeld ook byna voltooi is. Daar word gehoop om die standbeeld op 10 Oktober 2025, die 200ste herdenking van President Kruger se geboorte, te onthul.

Die waardevolle insette wat tydens die gemeenskapsdeelnameproses gelewer is, word natuurlik in ag geneem tydens hierdie beplanning. Daar sal binnekort verdere publieke inligtingsessies wees vir belangstellendes en die Orania-gemeenskap se opinie oor sekere aspekte, soos bv die presiese naam van die plein, sal ook ingewin word.

Inwoners kan, soos altyd, die Dorpsraad kontak deur van die volgende skakel gebruik te maak:

https://myorania.co.za/kontak-ons/

Vriendelike groete,

Cobus Pretorius

Hoof : Beplanning en Grondgebruik