ORANIA SENSUS 2023 SE RESULTATE LYK UITSTEKEND

Geagte Aandeelhouers en Inwoners,

ORANIA SENSUS 2023 SE RESULTATE LYK UITSTEKEND

Opsomming : Orania se 2023 sensus uitslae is gepubliseer en toon aan dat die dorp op omtrent alle gebiede in ‘n baie positiewe situasie verkeer.

Die uitslae van die Orania Sensus 2023 is gepubliseer en die syfers toon dat ons in ‘n uitstekende toestand verkeer wat, sover aan ons bekend is, deur geen ander Suid Afrikaanse dorp verbeter kan word nie.

Van die hoogtepunte is die volgende:

Populasie: Groei met 12% tot 2 874 inwoners in 2023.

Lewenskoste: Raak al meer bekostigbaar, want gemiddelde salarisse het met 57% oor die laaste 5 jaar gegroei, terwyl die koste van ’n tipiese voedselmandjie oor dieselfde tydperk slegs met 30.8% gestyg het. In die laaste jaar was Suid-Afrika se voedselprysinflasie meer as dubbel so hoog as Orania s’n (3.8% in Orania teenoor 8.5% in Suid-Afrika).

Werksgeleenthede: Die vooruitsigte lyk baie rooskleurig, aangesien 96.7% van besighede beplan om werknemers se getalle te vermeerder of dieselfde te hou.

Sakevertroue: Lyk baie goed, want 78.6% van besigheidseienaars voel dat hul vooruitsigte goed of uitstekend is, terwyl 19.8% neutraal is en slegs 1.6% negatief.

Eiendomswaarde: Eiendom in Orania bly ‘n goeie belegging, aangesien die waardes van leë “erwe” (aandeelblokke) oor die laaste 5 jaar in die vryemark met 75.9% gegroei het en beboude “erwe” met 62.5%.

Volg gerus hierdie skakel om die volledige sensus af te laai. https://myorania.co.za/Orania-Dorpsraad-Sensus-2024.pdf

Vriendelike groete,

Cobus Pretorius

Hoof: Beplanning en Grondgebruik