ORANIA-VLAG VANDAG HALFMAS TER NAGEDAGTENIS AAN CHARLIE KIRK

175/2025

11 September 2025

Geagte Oraniërs,

ORANIA-VLAG VANDAG HALFMAS TER NAGEDAGTENIS AAN CHARLIE KIRK

Opsomming : Na die sluipmoord op Charlie Kirk gister, sal Orania se vlag vandag halfmas hang – in medelye met sy vrou en kinders, en in solidariteit met Christene wêreldwyd wat, soos hy, gemarginaliseer, verguis en vervolg word.

Oraniërs wat die nuus volg, sou gisteraand met skok verneem het van die sluipmoord op een van die mees invloedryke jong konserwatiewe kommentators ter wêreld, Charlie Kirk. Konserwatiewe Boere-Afrikaners het oor die algemeen baie aanklank gevind by sy uitgesproke Christelike wêreldbeskouing, en het sy beginsels van openlike debatvoering en wederkerige respek – tot voordeel van elkeen se reg op vryheid – hoog geag.

Vir diegene wat hom nog nie geken het nie, kyk gerus na die volgende samevoeging van video’s waarin hy, voor letterlik honderde miljoene kykers wêreldwyd, Christus bely binne ’n gewone sekulêre politieke opset – :https://www.youtube.com/shorts/1ZlpKkZztdc

Die OAB-direksie het, na ‘n goeie voorstel van ‘n inwoner, dit goedgedink om vir die res van die dag, ter nagedagtenis aan Charlie Kirk en in solidariteit met alle Christene wat wêreldwyd met haat behandel word, die Orania-vlag halfmas te laat hang.

Ons betuig ons innige simpatie aan sy familie en vriende, en bid vir wysheid en berusting vir almal wat betrokke is.

Vriendelike groete,

Gawie Snyman
Uitvoerende Hoof

Inwoners kan, soos altyd, die Dorpsraad kontak deur die volgende skakel te gebruik: 🔗 https://myorania.co.za/kontak-ons/
Indien u dit anoniem wil doen, kan u ‘n opmerking plaas in die Anonieme Forum op ons webwerf: 🔗 https://myorania.co.za/anonieme-voorstelle-opmerkings-of-klagtes/