ORANIËRS WORD HERINNER AAN DIE GEVAARLIKHEID VAN DIE HOOFKRUISING (VIDEO)

226/2025

4 Desember 2025

Geagte Oraniërs,

ORANIËRS WORD HERINNER AAN DIE GEVAARLIKHEID VAN DIE HOOFKRUISING (VIDEO)

Opsomming : ’n Vragmotor het gister byna ’n ernstige ongeluk met ’n Oraniër se voertuig veroorsaak by die hoofkruising (R369 en Pêrellaan), wat ons gemeenskap weer herinner om besonder versigtig te wees vir verkeer, veral in daardie omgewing.

Soos op die video by die volgende skakel gesien kan word (https://youtu.be/gJopEr0xgJk), was daar gister amper ’n groot ongeluk by die hoofkruising. Ons wil graag seker maak dat hierdie insident as ’n waarskuwing dien aan ons gemeenskap om meer bedag te wees op hierdie tipe gevaar, sodat almal die nodige versigtigheid aan die dag kan lê en ongelukke kan voorkom.

In hierdie geval het ons Beheerkamer van die kameras gebruik gemaak om die registrasienommer van die vragmotor te verkry, en dit is aan Petrusville SAPD deurgegee. Hulle het die vragmotor in hul gebied afgetrek en ’n boete van R3000 is aan die bestuurder uitgereik.

Vriendelike groete,

Theuns Wessels
Orania Veiligheidsdienste (OVD)

Inwoners kan, soos altyd, die Dorpsraad kontak deur die volgende skakel te gebruik: 🔗 https://myorania.co.za/kontak-ons/
Indien u dit anoniem wil doen, kan u ‘n opmerking plaas in die Anonieme Forum op ons webwerf: 🔗 https://myorania.co.za/anonieme-voorstelle-opmerkings-of-klagtes/