ORANJERIVIER SE WATERVLAK HET BEGIN STYG

018/2026

18 Februarie 2026

Geagte Oraniërs,

ORANJERIVIER SE WATERVLAK HET BEGIN STYG

Opsomming : Die Oranjerivier se watervlak by Orania het begin styg en is dus gevaarliker as gewoonlik, maar die waarskuwingsvlak bly op GROEN en Sandbaai is steeds oop vir die publiek.

Neem asseblief kennis dat die Oranjerivier se watervlak die afgelope paar dae by Orania toegeneem het. Hierdie verhoogde vloei is die gevolg daarvan dat die Vanderkloofdam sy 100%-kapasiteit oorskry het en dat die hidroturbines tans meer water deurlaat as wat gewoonlik die geval is. Dit het tot gevolg dat die watervloei op hierdie stadium ongeveer 670 kubieke meter per sekonde (kumek) beloop. Volgens verwagting behoort hierdie vloei vir die volgende week of twee voort te duur.

Die watervlakke van die damme (veral Gariep- en Vanderkloofdam), asook die rivier, word deurlopend deur die Gesamentlike Operasionele Sentrum (GOS) dopgehou. Die gemeenskap sal in kennis gestel word sodra die vlakke sodanig verander dat toegang tot die rivier om veiligheidsredes beperk moet word en Sandbaai gevolglik gesluit moet word. Vir eers bly die waarskuwingsvlak dus op GROEN, maar indien die risiko verhoog, kan dit verander na Geel, Oranje of Rooi.

Ter herinnering volg die omskrywing van die verskillende waarskuwingsvlakke:
GROEN: Gaan (versigtig) voort met normale aktiwiteite. Riviervlakke is binne gewone perke.
GEEL: Wees paraat. Geen toegang tot die rivier weens dreigende gevaar.
ORANJE: Beveilig eiendom en verwyder waardevolle items en diere uit geïdentifiseerde gebiede (verhoogde paraatheid).
ROOI: Ontruim geïdentifiseerde gebiede volledig teen ʼn aangekondigde tyd.

Ons versoek die gemeenskap om met die verhoogde riviervlak versigtig te wees. Daar is tans sterker strome en maalkolke in die rivier, wat ’n potensiële gevaar inhou.

Vriendelike Groete,

GOS Voorsitter

Inwoners kan, soos altyd, die Dorpsraad kontak deur die volgende skakel te gebruik: 🔗 https://myorania.co.za/kontak-ons/
Indien u dit anoniem wil doen, kan u ‘n opmerking plaas in die Anonieme Forum op ons webwerf: 🔗 https://myorania.co.za/anonieme-voorstelle-opmerkings-of-klagtes/