210/2025

“SPOEDWALLE” GAAN GETOETS WORD SODAT INWONERS INSETTE KAN LEWER

Uitgereik op: 12 November 2025

Ingenieursdiente

0 “SPOEDWALLE” GAAN GETOETS WORD SODAT INWONERS INSETTE KAN LEWER

210/2025

12 November 2025

Geagte Oraniërs,

“SPOEDWALLE” GAAN GETOETS WORD SODAT INWONERS INSETTE KAN LEWER

Opsomming : ’n Tipe spoedwal gaan hierdie week in Robynlaan gebou word en inwoners word versoek om hul insette oor die effektiwiteit daarvan, asook oor ‘n moontlike naam daarvoor, aan ons deur te stuur.

Ons wil inwoners graag in kennis stel daarvan dat die Dorpsraad hierdie week nuwe “spoedwalle” in Robynlaan gaan installeer. Dit is ’n proeflopie en ons sal graag terugvoer oor die effektiwiteit daarvan van die publiek wil ontvang.

Die strukture word geplaas met die idee dat verkeer eerder daaróm as daaróór kan ry, sodat voertuie se spoed steeds verminder, maar sonder die ongemak en lawaai van ’n konvensionele spoedwal. Swaar verkeer (soos vragmotors) sal stadig bo-oor die “spoedwalle” kan ry, maar gewone verkeer nie.

As die “spoedwalle” effektief is, sal ons dit graag deur die res van die dorp wil gebruik — maar dan sal ons met ’n kreatiewe naam daarvoor vorendag moet kom. Ons vra dus die gemeenskap om asseblief, behalwe vir hul insette oor die effektiwiteit daarvan, ook ’n oulike, beskrywende benaming daarvoor aan ons te stuur. Opmerkings kan na die skakels onder aan hierdie boodskap, of na andre@myorania.co.za gestuur word.

Hier is ‘n skematiese voorstelling van wat beplan word:

Vriendelike groete,

Andre van Heerden

Hoof : Ingenieursdienste

Inwoners kan, soos altyd, die Dorpsraad kontak deur die volgende skakel te gebruik: 🔗 https://myorania.co.za/kontak-ons/

Indien u dit anoniem wil doen, kan u ‘n opmerking plaas in die Anonieme Forum op ons webwerf: 🔗 https://myorania.co.za/anonieme-voorstelle-opmerkings-of-klagtes/

“SPOEDWALLE” GAAN GETOETS WORD SODAT INWONERS INSETTE KAN LEWER

0