STORTINGSTERREIN MAG NIE NA-URE BESOEK WORD NIE

198/2025

24 Oktober 2025

Geagte Oraniërs,

STORTINGSTERREIN MAG NIE NA-URE BESOEK WORD NIE

Opsomming: Die stortingsterrein mag nie na-ure besoek word nie en stappe sal geneem word teen persone wat hierdie reël oortree.

Ons wil inwoners graag herinner daaraan dat die stortingsterrein slegs tydens besigheidsure besoek mag word. Die besigheidsure is van 08:00 tot 17:00 op weeksdae en van 11:00 tot 15:00 op Saterdae. Die terrein is gesluit op Sondae en op Orania se publieke vakansiedae.

Hierdie reël moet veral streng toegepas word omdat die bedrywighede van ongemagtigde persone soms tot brande op die terrein lei. Sulke brande is baie moeilik om onder beheer te bring en kan giftige gasse na bv. Kleingeluk laat waai. Daarbenewens gebeur dit ook soms dat ongemagtigde persone inmeng met herwinningswerk waarmee die Dorpsraad of ander persone besig is.

Ons maak staat op die samewerking van die gemeenskap om Orania se hantering van afval op die huidige hoë standaard te hou.

Vriendelike groete,

Andre van Heerden
Hoof : Ingenieursdienste

Inwoners kan, soos altyd, die Dorpsraad kontak deur die volgende skakel te gebruik: 🔗 https://myorania.co.za/kontak-ons/
Indien u dit anoniem wil doen, kan u ‘n opmerking plaas in die Anonieme Forum op ons webwerf: 🔗 https://myorania.co.za/anonieme-voorstelle-opmerkings-of-klagtes/