VAKANTE POS AS MOTORWERKTUIGKUNDIGE

Geagte Aandeelhouers en Inwoners,

VAKANTE POS AS MOTORWERKTUIGKUNDIGE – ORANIA DORPSRAAD

Oor die pos :

Die motorwerktuigkundige sal verantwoordelik wees vir die instandhouding en herstel van die Dorpsraad se konstruksievoertuie en vloot, asook algemene herstelwerk.

Vereistes van suksesvolle aansoeker :

Die ideale kandidaat vir bogenoemde pos sal oor die volgende beskik:

• Gekwalifiseerde dieselmotorwerktuigkundige,

• Minstens tien jaar toepaslike ondervinding,

• Ondervinding in die herstelwerk en onderhoud van konstruksievoertuie sal voordelig wees.

• Die vermoë om goeie menseverhoudinge te kan handhaaf,

• Ervaring in die ontwikkeling en bestuur van goeie stelsels,

• Die vermoë om die werkswinkel en gereedskap netjies en georden te kan bestuur,

• ‘n Sterk verbintenis hê tot die strewe van Orania en ‘n verbintenis tot die beginsels van selfstandigheid, selfwerksaamheid en trotse Afrikanerskap soos in Orania beoefen.

Aansoekproses :

Aansoeke moet voor of op Vrydag 18 Oktober 2024 om 16:30 by die Orania Dorpskantoor ingedien word, of na andre@myorania.co.za gestuur word. Skakel Andre van Heerden by 053 207 0064 vir navrae.

Vriendelike groete,

Andre van Heerden

Hoof : Ingenieursdienste