Geagte Aandeelhouers en Inwoners,
VALS SOSIALE MEDIA PROFIELE
Opsomming : Onthou om, soos altyd, bedag te wees op onwettige elektroniese slenters, veral omdat daar weer ‘n nuwe vlaag daarvan is wat Oraniërs betrek.
Let asseblief daarop dat daar weer vals sosiale media profiele geskep word met foto’s van bekende Oraniërs daarop. Hierdie profiele nooi mense dan uit om bv betrokke te raak by een of ander finansiële skema, maar die eintlike doel is om lede van die publiek se geld te steel.
Van die maniere hoe u hierdie tipe slenters kan uitken, is as die profiel ‘n vreemde naam het wat nie dieselfde is as die persoon wie se gesig u herken nie, of as die inhoud van die plasing ongewoon is vir daardie persoon. ‘n Gesiene lid van die gemeenskap sal nie ‘n uitnodiging stuur vir mense om bv in een of ander diamant geleentheid te belê of om ‘n direkte finansiële bydrae vir hulle te maak nie.
Wanneer verdagte plasings of uitnodigings bespeur word, moet u natuurlik nie daarop reageer of op enige skakels daarin kliek nie, maar ons beveel ook aan dat u dit aanmeld by die platform waarop u dit ontvang het (gewoonlik deur die drie kolletjies regs bo op die plasing te kliek en dan die “Report” opsie te kies). Laat weet dan ook asseblief vir OVD daarvan, sodat die situasie gemonitor kan word. Op hierdie manier kan sulke bedrog teengewerk word.
U is, soos altyd, welkom om in kontak met die Dorpsraad te tree oor enige onderwerp, deur van die volgende skakel gebruik te maak:
Vriendelike groete,
Ettiene de Lange
Hoof : Orania Veiligheidsdienste (OVD)
Opkomende inskrywings…
Vir meer kennisgewing inskrywings, gaan na…
Besoek ons kaart om verkeie plekke in Orania te vind…
Druk op nie nommer om te skakel…
Vir meer skakelnommers, gaan na…
Opkomende inskrywings…
Vir meer Nuusbrief inskrywings, gaan na…
Druk op nie nommer om te skakel…
Vir meer skakelnommers, gaan na…
Opkomende inskrywings…
Vir meer kalender inskrywings, gaan na…