VERANDERING IN AFLEWERING VAN KOERIER-PAKKIES

Opsomming : Pudo masjiene gaan verwyder word en vervang word met Courier Guy “CDP” punte in sekere winkels op Orania, waar geen arbeid deur nie-Afrikaners verrig sal word nie.

Dit is so paar maande gelede onder ‘n Arbeidspaneel se aandag gebring dat die Pudo-masjiene van Courier Guy deur ‘n nie-Afrikaner tegnikus gediens word. Die Arbeidspaneel het die aangeleentheid vervolgens met Courier Guy opgeneem en ‘n gesprek van stapel gestuur om te verneem of hulle ‘n Afrikaner/Oraniër kan aanstel om Orania se masjiene te diens.

Na vele gesprekke heen-en-weer het Courier Guy aangedui dat hulle ongelukkig nie ‘n Afrikaner/Oraniër as tegnikus sal kan aanstel nie, maar dat hulle besig is om sagteware te ontwikkel ten einde vanaf Maart 2025 Courier Guy “CDP” punte by winkels in Orania te implementeer, waar pakkies ontvang en versend kan word sonder dat nie-Afrikaner arbeid ter sprake kom.

Die Arbeidspaneel is baie opgewonde oor hierdie vooruitsigte, aangesien dit die arbeid-kwessie uitskakel en terselfder tyd ook lede van die gemeenskap se bekommernis oor toenemende koeriers in die woongebiede bylê.

Die Arbeidspaneel se ooreenkoms met Courier Guy is dat die Pudo-masjiene voor/op Vrydag, 25 Oktober 2024 verwyder sal word.

Intussen wil ons net weer u aandag vestig op die diens wat mev. Bettie Bezuidenhout (Die Bondeltjie) reeds lewer met die ontvang en versending van pakkies. Ons vertrou u vind bovermelde in orde en moenie huiwer om die kantoor te kontak sou u enige vrae hê nie.

Vriendelik, die uwe

Elred Ferreira

Voorsitter: Arbeidspaneel