VEREDERE INLIGTING OOR AMPTELIKE AANSKAKELING VAN BATTERY

Geagte Aandeelhouers en Inwoners,

VERDERE INLIGTING OOR AMPTELIKE AANSKAKELING VAN BATTERY

Soos in kennisgewing 131/2024 aangekondig is, word die battery eerskomende Saterdag, 21 September, om 09:00, amptelik seremonieël aangeskakel. Ons wil graag die aandeelhouers in die battery, die gemeenskap van Orania, uitnooi om hierdie heuglike geleentheid by te woon.

Let asseblief daarop dat verdere reëlings intussen gemaak is wat nie vantevore gekommunikeer is nie, naamlik dat een van die nuwe elektriese bussies plek het om tot soveel as 22 passasiers (wat vandag daarvoor moet registreer) gratis vanaf Kleingeluk na die battery te vervoer. Dit is sommer reeds ‘n goeie voorbeeld van die tipe voordele wat energie-onafhanklikheid aan Orania kan bied!

Reëlings rondom die elektriese bussie:

Tyd : Vertrek 08h30 vanaf die busstop voor Kuierstoep, Kleingeluk

Bespreek sitplek : Stuur asseblief ‘n e-pos aan burger@myorania.co.za, voor 15h30 vandag, of bel 053 207 0063, om ‘n sitplek te bespreek.

Algemene reëlings:

Tyd : 09:00 tot 10:00, 21 September 2024

Plek : Orasol-battery, Kareeboomrylaan (net ná Sandsteenstraat in die Nywerheidsgebied, langs die Eskom-substasie).

Geriewe : Daar sal ‘n beperkte aantal stoele verskaf word, maar inwoners kan ook opvoustoele bring om sitplek te verseker.

Onthou : Ons stel voor dat mense vloeistof, asook hoede of sambrele saambring, want die terrein is blootgestel aan direkte sonlig.

Ete : Daar gaan nie enige kos bedien word nie, maar die Plaasbraai, wat dieselfde aand vanaf 18:00 plaasvind, sal dien as die feestelikheid wat hiermee saamgaan. Kaartjies vir die Plaasbraai is beskikbaar teen Φ50 per volwassene en Φ30 per kind onder 12 (wat vleis, roosterkoek en pap-en-sous insluit) en is aanlyn beskikbaar by $ https://oraniakarnaval.co.za/product/plaasbraai/$ , of fisies by die poskantoor.

Vriendelike groete,

Burger Lambrechts

Orania Dorpsraad: Kommunikasiebeampte