040/2026

VERHOGING IN ELEKTRISITEITSTARIEWE

Uitgereik op: 9 April 2026

Korporatiewe Dienste

0 VERHOGING IN ELEKTRISITEITSTARIEWE

040/2026

9 April 2026

Geagte Oraniërs,

VERHOGING IN ELEKTRISITEITSTARIEWE

Opsomming : Let asseblief daarop dat Eskom se tariewe aan Orania vanaf April 2026 met effektief 9.10% verhoog het, wat beteken dat Orania se pryse ongelukkig ook moet opgaan (maar ons verhoging is beperk tot 8.76%, wat dus 0.34% minder as Eskom s’n is).

Eskom het sy elektrisiteitstariewe met ingang van 1 April 2026 met gemiddeld 8.76% verhoog. Met Eskom se dryf vanaf verlede jaar om meer te fokus op hul vastekoste-komponent van fakturering, het dit ’n beduidende invloed op die verhoging in tariewe gehad, wat ons verlede jaar eerstehands beleef het.

Alhoewel Eskom die 8.76%-verhoging aangekondig het, is daar hierdie jaar weer meer gefokus op die vastekoste-komponente, en is tussen 8.76% en 51.67% verhogings deurgesit op hierdie tariewe. Die effek is dat Eskom gemiddeld 14.78% meer faktureer vir vastekoste in vergelyking met verlede jaar. As gevolg van die verhoging in die vastekoste-komponent is die effektiewe styging in die Dorpsraad se elektrisiteitsrekening 9.10%.

Orania Dorpsraad poog deurlopend om elektrisiteitsverhogings minimaal te hou teenoor Eskom se verhogings. Dit in ag geneem, het die Direksie besluit om net die 8.76%-verhoging in tariewe goed te keur. Hieronder volg ’n kort vergelykingstabel wat die verhogings van 2018 tot 2026 teenoor Eskom uitbeeld:

Met bogenoemde in ag geneem, sien die verhoogde tariewe vir huishoudings en ander sonerings vanaf 1 April 2026 soos volg daarna uit:

1. Aandeelblokke wat primêr vir woondoeleindes gebruik word:

• 1–150 eenhede: Φ3.50/eenheid

• 151–300 eenhede: Φ4.05/eenheid

• Meer as 300 eenhede: Φ4.46/eenheid

2. Aandeelblokke van nie-winsgewende instellings (soos bv. skole en kerke):

• Φ4.05/eenheid

3. Alle ander aandeelblokke en aansluitings buite die aandeelblokskema:

• 1–5000 eenhede: Φ4.46/eenheid

• Meer as 5000 eenhede: Φ4.20/eenheid

4. KSIKO-aansluitings:

• Krediettarief: Terugkooptarief sal later in die maand aangekondig word.

Die batteryheffing bly onveranderd op Φ4.42/ampère en word weer in Junie 2026 hersien.

Bogenoemde tariewe sluit BTW in.

Vriendelike groete,

Janneman Roux

Hoof : Korporatiewe Dienste

Inwoners kan, soos altyd, die Dorpsraad kontak deur die volgende skakel te gebruik: 🔗 https://myorania.co.za/kontak-ons/

Indien u dit anoniem wil doen, kan u ‘n opmerking plaas in die Anonieme Forum op ons webwerf: 🔗 https://myorania.co.za/anonieme-voorstelle-opmerkings-of-klagtes/

VERHOGING IN ELEKTRISITEITSTARIEWE

0