VERHOOGDE PARAATHEID VIR ORANIA SE VEILIGHEID

Geagte Aandeelhouers en Inwoners,

VERHOOGDE PARAATHEID VIR ORANIA SE VEILIGHEID

Opsomming : Orania Veiligheidsdienste (OVD) en die Weerbaarheidsvereniging neem kennis van internasionale en nasionale toestande en verhoog daarom die paraatheidsvlak vir Orania se veiligheid.

Ná die veelbesproke onlangse uitvoerende bevel van President Trump, is Orania die afgelope paar weke weer baie in die nuus en word ons druk op sosiale media bespreek. OVD neem kennis daarvan dat daar ook negatiewe kommentaar en selfs dreigemente teen Orania gemaak word.

Alhoewel OVD dit nie as ‘n dringende gevaar beskou nie en voel dat die dorp se veiligheidstoestand nie onlangs wesenlik verander het nie, is dit steeds belangrik om sulke uitlatings ernstig op te neem.

OVD en die Orania Weerbaarheidsvereniging gaan dus ‘n hoër paraatheidsvlak handhaaf in die komende weke en wil graag weer die geleentheid bied vir vrywilligers om te help met patrollies. Vrywilligers kan aanmeld by OVD vir meer inligting

Inwoners kan, soos altyd, die Dorpsraad kontak oor enige onderwerp deur die volgende skakel te volg : $ https://myorania.co.za/kontak-ons/$ 

Indien u dit anoniem wil doen, kan die volgende skakel na ons Anonieme Forum gebruik word : $ https://myorania.co.za/anonieme-voorstelle-opmerkings-of-klagtes/$ 

Vriendelike groete,

Ettiene de Lange

Hoof : OVD