WEES BEDAG OP ‘N SLENTER RONDOM GOUD EN SILWER

097/2025

16 Mei 2025

WEES BEDAG OP ‘N SLENTER RONDOM GOUD EN SILWER

Opsomming: Sommige Oraniërs is uitgevang in ’n slenter met die aankoop van goud- en silwermunte. Wees asseblief op u hoede.

’n Suid-Afrikaanse persoon genaamd Paul Blundell Gibson, wat in edelmetale handel dryf in die naam van maatskappye soos Centaurus Trading, MetalNexus, Topgrades, Goudwoud, SA Silver en SA Gold, word ondersoek vir veelvuldige transaksies waarin kopers (insluitend party Oraniërs) geld oorbetaal het, maar uiteindelik geen metaal ontvang het nie. Paul Gibson is wel reeds in die moeilikheid met die gereg, maar die gevaar bestaan dat hy steeds met hierdie aktiwiteite voortgaan, of dat hy medewerkers het wat dit namens hom doen.

Oraniërs word dus sterk aangeraai om baie versigtig te wees wanneer hulle goud of silwer aanlyn aankoop. Een manier om die risiko te beperk, is om slegs besigheid te doen met maatskappye wat op die SA Munt se lys van geregistreerde handelaars verskyn. Die lys is beskikbaar by die volgende skakel: $ https://www.samint.co.za/collectable-coins/authorised-dealers/$

Indien enige inwoners inligting het oor die verdagte persoon of oor transaksies waarin hy betrokke was, kan dit aan Orania Veiligheidsdienste (OVD) verskaf word. Die inligting sal dan aan die amptelike ondersoekers van die sake teen hom deurgegee word.

Vriendelike groete,

Ettiene de Lange
Hoof : OVD

Inwoners kan, soos altyd, die Dorpsraad kontak deur die volgende skakel te gebruik: 🔗 https://myorania.co.za/kontak-ons/
Indien u dit anoniem wil doen, kan u ‘n opmerking plaas in die Anonieme Forum op ons webwerf: 🔗 https://myorania.co.za/anonieme-voorstelle-opmerkings-of-klagtes/