Dis 'n moeilike vraag hierdie, want, aangesien die toekomstige wetgewing hieroor se vereistes nog glad nie duidelik is nie, kan selfs die handelsbanke op hierdie stadium nog nie 'n definitiewe antwoord daarop gee nie.

OSK is 'n koöperatiewe bank (gemeenskapsbank) en ons stelsels is tans nie direk op die internet gekoppel soos die handelsbanke nie. Solank dit só bly, sal inhuis transaksies steeds moontlik wees sonder digitale ID.

Die probleem mag dalk opduik met transaksies via ander banke wat aan die nasionale betaalstelsel gekoppel is, in welke geval Suid Afrikaanse wetgewing moontlik wel digitale ID's sal vereis.