Ons sal hierdie voorstel onder die bestuur van OVD se aandag bring, sodat hulle dit kan oorweeg en daarop kan reageer soos hulle uit hul wye ervaring en daaglikse betrokkenheid by veiligheid goeddink.

As algemene opmerking kan ons egter noem dat hierdie voorstel, wat op die oog af sinvol is, waarskynlik die volgende argumente daarteen kan verwag:

• Die huidige monitering van alle aktiwiteite in Orania (bv deur die uitgebreide 24-uur kameranetwerk en deur gereelde fisiese patrollies) verseker dat ons dankbaar kan wees daarvoor dat ons veiligheid uitstekend is en dat ons geen misdaad deur nie-Oraniërs sien nie en baie min misdaad deur inwoners.
• Om ekstra OVD-beamptes aan te stel wat ’n satellietkantoor moet beman, sal ’n groot finansiële implikasie hê wat nie binne huidige begroting hanteer sal kan word nie.

Indien enige inwoners verdere voorstelle oor OVD het, wil ons hulle regtig aanmoedig om ’n boodskap daaroor na inligting@myorania.co.za te stuur, sodat afsprake gemaak kan word en vriendelike persoonlike gesprekke daaroor gevoer kan word.