OVD IS BEWUS VAN ONBEVESTIGDE GERUGTE OOR MOONTLIKE PROTESOPTREDE TEEN ORANIA OP DIE R369 VANDAG

062/2025

1 April 2025

Geagte Aandeelhouers en Inwoners,

OVD IS BEWUS VAN ONBEVESTIGDE GERUGTE OOR MOONTLIKE PROTESOPTREDE TEEN ORANIA OP DIE R369 VANDAG

Opsomming : Orania Veiligheidsdienste (OVD) en die Weerbaarheidsvereniging is bewus van onbevestigde gerugte dat daar glo vandag op die R369 teen Orania geprotesteer gaan word en monitor die situasie deurgaans.

Daar is gerugte wat die rondte doen dat eksterne groepe vanuit Suid Afrika blykbaar beplan om vandag fisies na Orania te kom om op die R369 te protesteer. Ons het geen bewyse ter ondersteuning van hierdie gerugte nie en die mees waarskynlike situasie is dat dit nie waar is nie, maar soos gewoonlik monitor ons enige moontlike bedreiging vir Orania deeglik en sal ons soos nodig daarteen optree. Ons reaksiegroepe is reeds op bystand en ons sal vinnig op enige situasie kan reageer.

Inwoners kan maar gerus voortgaan met hulle gewone daaglikse aktiwiteite. Ons sal enige veranderinge in die situasie aan die gemeenskap kommunikeer soos nodig.

Enige weerbare Oraniërs wat nog nie deel is van die reserwegroepe nie, maar wat graag betrokke wil raak, kan OVD kontak op 053 207 0089.

Vriendelike Groete ,

Ettiene de Lange

Hoof: OVD

U kan, soos altyd, die Dorpsraad oor enige onderwerp kontak deur die volgende skakel te volg : $ https://myorania.co.za/kontak-ons/$ 

Indien u dit anoniem wil doen, kan u die Anonieme Forum op die myorania.co.za webwerf gebruik, deur die volgende skakel te volg – $ https://myorania.co.za/anonieme-voorstelle-opmerkings-of-klagtes/$