DIE SERVITUUTPAD SE OPGRADERING BEGIN HIERDIE WEEK

144/2025

4 Augustus 2025

Geagte Oraniërs,

DIE SERVITUUTPAD SE OPGRADERING BEGIN HIERDIE WEEK

Opsomming : Die teer van die servituutpad begin hierdie week en die werk sal waarskynlik vir die res van die jaar voortduur.

Iets waarna Oraniërs al lank uitsien – die opgradering van die servituutpad na ’n teerpad – begin hierdie week! Wanneer die werk teen ongeveer die einde van die jaar afgehandel is, sal dit ’n ryvlak bied wat baie gemakliker is vir alle voertuie op een van die besigste roetes in die dorp en dit sal ook ’n beduidende vermindering van stof in die omgewing meebring.

Die paaiespan sal begin om merkers te plaas en om so gou as moontlik ’n alternatiewe roete te vestig. Daar sal deurgaans gesorg word dat verkeer steeds toegang het tot aandeelblokke langs die pad. Inwoners wat daardeur geraak word, is welkom om die Dorpsraad te kontak om die besonderhede te bespreek.

Ons versoek dat inwoners asseblief op konstruksieborde ag slaan en stadig en versigtig in die area bestuur.

Vriendelike groete,

Andre van Heerden
Hoof : Ingenieursdienste

Inwoners kan, soos altyd, die Dorpsraad kontak deur die volgende skakel te gebruik: 🔗 https://myorania.co.za/kontak-ons/
Indien u dit anoniem wil doen, kan u ‘n opmerking plaas in die Anonieme Forum op ons webwerf: 🔗 https://myorania.co.za/anonieme-voorstelle-opmerkings-of-klagtes/