EKSTERNE EKSAMINATOR BY BKO

119/2025

26 Junie 2025

Geagte Oraniërs,

EKSTERNE EKSAMINATOR BY BKO

Opsomming : Daar is vandag ‘n eksterne (dus, nie Oraniër) eksaminator by BKO, wat verpligte toesig hou oor eksamens, as deel van standaard prosedures rondom BKO se akkreditasie by HWSETA (Health and Welfare Sector Education and Training Authority).

BKO is by HWSETA geakkrediteer, sodat die Tuissorg kwalifikasies wat hier verwerf word geloofwaardig is en breë geleenthede vir studente oopmaak. Hierdie akkreditasie behels onder andere dat daar soms eksterne eksaminators hier teenwoordig moet wees om toe te sien dat alles wat gedoen word aan die voorgeskrewe standaarde voldoen. Om die waarheid te sê bied BKO die enigste geakkrediteerde eksamenlokaal vir daardie kwalifikasies in die hele Noord-Kaap.

Hierdie situasie is dus soortgelyk aan die gereelde besoeke by OSK deur inspekteurs van die SA Reserwebank, wat ook verpligtend is omdat hulle ‘n geregistreerde gemeenskapsbank is. Ons vertrou dus dat inwoners hierdie nie-Oraniërs met ons gewone hoflikheid sal hanteer.

Vriendelike groete,

Gawie Snyman
Uitvoerende Hoof

U kan, soos altyd, die Dorpsraad oor enige onderwerp kontak deur die volgende skakel te volg : $ https://myorania.co.za/kontak-ons/$
Indien u dit anoniem wil doen, kan u die Anonieme Forum op die myorania.co.za webwerf gebruik, deur die volgende skakel te volg – $ https://myorania.co.za/anonieme-voorstelle-opmerkings-of-klagtes/$