MENINGSPEILING OOR SPOEDGRENSE OP ORANIA SE PAAIE

089/2025

5 Mei 2025

MENINGSPEILING OOR SPOEDGRENSE OP ORANIA SE PAAIE

Opsomming: Ons wil graag met hierdie peiling (wat sluit op Maandag, 19 Mei) die Orania gemeenskap se opinies inwin oor die uitgangspunte wat gebruik word om spoedgrense te bepaal. Die peiling kan ingevul word deur die volgende skakel te volg : https://www.surveymonkey.com/r/L7T8F7G

Die spoedgrense in Orania word volgens die uitgangspunte hieronder bepaal, maar, veral in die lig van veranderinge in sekere paaie, wil ons graag die gemeenskap se opinies daaroor inwin.

1. Dit is uiters belangrik om faktore soos stof, geraas en die veiligheid van alle padgebruikers (insluitend kinders op fietse of te voet), in ag te neem.

2. Die spoedgrens op alle grondpaaie in Orania (soos in Kleingeluk) behoort 25 km/h te wees, met die uitsondering van die hoofroete-grondpaaie, nl. Diamantlaan en Oewerlaan (Rooipad), wat 40 km/h behoort te wees.

3. Die spoedgrens op alle beton- en teerpaaie in Orania behoort 40 km/h te wees, met die uitsondering dat die spoedgrens vanaf die Kleingeluk-sirkel tot by Kleingeluk tydelik steeds 25 km/h behoort te wees totdat die sypaadjies voltooi is, waarna dit ook 40 km/h kan word.

Om die peiling te voltooi, kan u die volgende skakel volg. Dit behoort slegs enkele minute te neem. https://www.surveymonkey.com/r/L7T8F7G

Vriendelike groete,

Gawie Snyman
Uitvoerende Hoof

Inwoners kan, soos altyd, die Dorpsraad kontak deur die volgende skakel te gebruik: 🔗 https://myorania.co.za/kontak-ons/
Indien u dit anoniem wil doen, kan u ‘n opmerking plaas in die Anonieme Forum op ons webwerf: 🔗 https://myorania.co.za/anonieme-voorstelle-opmerkings-of-klagtes/