MENINGSRAADPLEGING: TATOEËRATELJEE

173/2025

9 September 2025

Geagte Oraniërs,

MENINGSRAADPLEGING: TATOEËRATELJEE

Opsomming : Die OAB-direksie wil graag die gemeenskap se menings hoor oor hoe Oraniërs sou voel oor die moontlikheid dat ’n tatoeëerateljee eendag op die dorp sou oopmaak. Hierdie is nie ’n huidige aansoek nie, maar bloot ’n poging om vroeë insette in te win, aan die hand van ‘n navraag wat ontvang is.

Soos almal weet, groei Orania deurgaans, en daarmee saam ontstaan van tyd tot tyd vrae oor nuwe dienste of ondernemings wat moontlik in die dorp kan vestig. Soms gaan dit oor sake wat deur beleid en prosedures hanteer word, en ander kere oor onderwerpe waar die gemeenskap se waardes en verwagtinge ’n belangrike rol speel.

In hierdie geval het ons ‘n navraag uit die gemeenskap ontvang en wil ons graag peil hoe Oraniërs daaroor voel dat daar in die toekoms dalk ’n tatoeëerateljee kan wees. Dit gaan dus nie oor ’n spesifieke aansoek nie, maar bloot oor die beginsel en die algemene gevoel daaroor.

Diegene wat menings daaroor wil deel, kan dit voor 30 September 2025 doen per e-pos na cobus@myorania.co.za , of kan die anonieme forum gebruik (skakel onderaan hierdie boodskap).

Vriendelike groete,

Cobus Pretorius
Hoof : Grondgebruik en Beplanning