OMPAD BY SERVITUUTPAD-INGANG OP 3 SEPTEMBER 2025

170/2025

2 September 2025

Geagte Oraniërs,

OMPAD BY SERVITUUTPAD-INGANG OP 3 SEPTEMBER 2025

Opsomming : Daar sal môre opgrawings oor die breedte van die Servituutpad gedoen word naby die toegangshek vanaf die R369. ’n Ompad sal egter beskikbaar wees.

Oraniërs is bewus van die langverwagte en baie welkome opgradering van die Servituutpad met ’n teeroppervlak, wat reeds van die Eurekakruising se kant af begin is. Benewens dié werk sal die padoppervlak naby die toegangshek vanaf die R369 ook môre, Woensdag 3 September 2025, opgegrawe word.

Die sluiting word genoodsaak deur die uitgrawing vir die nuwe pomplyn deur die pad. ’n Ompad verby die toegangshek sal voorsien word en inwoners word vriendelik versoek om net op die ompadborde te let en om versigtig te wees.

Vriendelike groete,

Andre van Heerden
Hoof : Ingenieursdienste

Inwoners kan, soos altyd, die Dorpsraad kontak deur die volgende skakel te gebruik: 🔗 https://myorania.co.za/kontak-ons/
Indien u dit anoniem wil doen, kan u ‘n opmerking plaas in die Anonieme Forum op ons webwerf: 🔗 https://myorania.co.za/anonieme-voorstelle-opmerkings-of-klagtes/