ONDERBREKINGS IN VOORSIENING VAN ROUWATER GEDURENDE JULIE

127/2025

4 Julie 2025

Geagte Oraniërs,

ONDERBREKINGS IN VOORSIENING VAN ROUWATER GEDURENDE JULIE

Opsomming : Rouwater sal vir die volgende drie weke met verlaagde druk voorsien word en sal vir ‘n tydperk van minstens vyf dae glad nie beskikbaar wees nie.

Onderhoud van infrastruktuur is altyd belangrik en dit is weer tyd dat Orania se rouwaterdam skoongemaak moet word. Die onderhoudswerk is vir Juliemaand beplan, juis omdat dít is wanneer Orania se rouwatervebruik die laagste is en dit dus die kleinste moontlike impak op inwoners sal hê.

Die rouwater vir die hele Orania, behalwe Kleingeluk, sal vir ten minste vyf werksdae onderbreek word. Ons gee graag die volgende reëlings aan inwoners deur:

• Ons gaan vanaf Maandag 7 Julie die dam se vlak stelselmatig laat sak. Inwoners sal dus agterkom dat die druk in die rouwaternetwerk stelselmatig sal afneem.
• Die totale onderbreking word beplan vir 21 tot 25 Julie 2025
• Die dam sal na die skoonmaak weer ’n paar dae neem om vol te maak, so die waterdruk behoort eers teen die einde van die maand weer heeltemal normaal te wees.
• Suiwerwater toevoer sal nie deur die onderhoud geraak word nie.

Dankie vir u samewerking en geduld.

Vriendelike groete,

Andre van Heerden
Hoof : Ingenieursdienste

U kan, soos altyd, die Dorpsraad oor enige onderwerp kontak deur die volgende skakel te volg : $ https://myorania.co.za/kontak-ons/
Indien u dit anoniem wil doen, kan u die Anonieme Forum op die myorania.co.za webwerf gebruik, deur die volgende skakel te volg – $ https://myorania.co.za/anonieme-voorstelle-opmerkings-of-klagtes/