ORANIA GESONDHEIDSORG MSW : INLIGTINGSVERGADERING

003/2026

21 Januarie 2026

Geagte Oraniërs,

ORANIA GESONDHEIDSORG MSW : INLIGTINGSVERGADERING

Opsomming : Daar sal op Dinsdag, 3 Februarie, om 18:30 in die Gemeenskapsaal, ‘n opdatering wees oor Orania Gesondheidsorg se goeie vordering om bekostigbare mediese dienste in Orania te bied.

Die Dorpsraad het ‘n versoek ontvang vanaf Orania Gesondheidsorg MSW (‘n privaat maatskappy sonder winsbejag) om die volgende inligting met die gemeenskap van Orania te deel, wat ons met graagte hiermee doen, omdat dit in die beste belang van die hele dorp is.

“Geagte gemeenskap,

Met verwysing na Dorpsraad skrywe 224 van 2025, gedateer 2 Desember 2025, is Gesondheidsorg baie opgewonde oor die vele positiewe verwikkelings wat sedert Desember plaasgevind het en wat ons glo ‘n reuse positiewe impak op die lewering van gesondheidsdienste in Orania kan hê.

Ons het baie positiewe inligting wat ons graag met u wil deel oor die Orania Gesondheidsentrum. Met tye van ons skrywe in Desember, was daar ‘n mate van onsekerheid oor die korttermyn toekoms van die Gesondheidsentrum, maar onlangse verwikkelinge het hierdie droom – met genade van bo – nou ‘n werklikheid gemaak waaroor ons baie dankbaar is.

Ons nooi u hiermee hartlik uit na ‘n inligtingsvergadering, DV op Dinsdag 3 Februarie om 18:30 in die Gemeenskapsaal, waar ons meer inligting met u wil deel.

Vriendelike Groete,

Orania Gesondheidsorg MSW Direksie”

Inwoners kan, soos altyd, die Dorpsraad kontak deur die volgende skakel te gebruik: 🔗 https://myorania.co.za/kontak-ons/
Indien u dit anoniem wil doen, kan u ‘n opmerking plaas in die Anonieme Forum op ons webwerf: 🔗 https://myorania.co.za/anonieme-voorstelle-opmerkings-of-klagtes/