ORANIA WORD 35

034/2026

27 Maart 2026

Geagte Oraniërs,

ORANIA WORD 35

Opsomming : Orania se 35’ste verjaarsdagpartytjie gaan op 10 April gehou word by die Dorpskantoor.

Orania vier vanjaar sy 35ste bestaansjaar – en jy word hartlik uitgenooi na ’n spesiale verjaarsdagviering!

Hierdie geleentheid dien as die amptelike viering van Stigtingsdag (6 April), maar aangesien dit vanjaar met Paas-Maandag saamval, vind die viering plaas op Vrydag, 10 April.

Plek: Die grasperk voor die Dorpskantoor
Datum: Vrydag, 10 April 2026
Tyd: 15:30–17:30
Toegang: Gratis

Let asseblief op die volgende:
* Pioniers: Ons nooi veral ons vroeë inwoners hartlik uit om saam te kom vier. As jy dus vanaf die vorige eeu reeds in Orania is, is jy in besonder welkom!
* Kinders: Daar word spesiaal vir kinders beplan, met koek, koeldrank, lekkergoed en partytjiebykomstighede.
* Verjaarsdagkoek (kompetisie): Die Dorpsraad verskaf ‘n redelike groot koek, maar almal wat lekker bak kan gerus ook ’n koek saambring, wat dan deur almal geniet gaan word en in aanmerking sal kom vir ‘n prys .
* Persente: Daar sal ook ’n geskenk-uitruiling wees – bring ’n geskenk saam en ontvang een terug!
* Sitplek: Bankies en tafels sal voorsien word, maar bring gerus ook jou eie kampstoel saam.

Verdere besonderhede – en dalk ’n verrassing of twee – sal nader aan die tyd gedeel word. Merk solank die datum en kom vier die mylpaal saam!

Vriendelike groete,

Burger Lambrechts
Dorpsraad : Kommunikasiebeampte

Inwoners kan, soos altyd, die Dorpsraad kontak deur die volgende skakel te gebruik: 🔗 https://myorania.co.za/kontak-ons/
Indien u dit anoniem wil doen, kan u ‘n opmerking plaas in die Anonieme Forum op ons webwerf: 🔗 https://myorania.co.za/anonieme-voorstelle-opmerkings-of-klagtes/