TERUGVOER OOR MENINGSOPNAME ONDER HELE ORANIA GEMEENSKAP

086/2025

28 April 2025

Geagte Aandeelhouers en Inwoners,

TERUGVOER OOR MENINGSOPNAME ONDER HELE ORANIA GEMEENSKAP

Opsomming: Daar sal op Dinsdag, 6 Mei 2025, publieke terugvoer gegee word oor die uitslag van die anonieme meningsopname wat in Februarie onder die hele Orania gemeenskap gedoen is.

Mense sal onthou dat daar in Februarie hierdie jaar ‘n anonieme meningsopname gedoen is onder die hele Orania gemeenskap, wat grotendeels ten doel gehad het om mense se sentiment te bepaal teenoor verskillende aspekte van die dorp en veral van die Dorpsraad se werksaamhede en bestuur ens. Ons wil graag hiermee ‘n geleentheid skep waar die uitslae van hierdie opname in die publiek bespreek gaan word en waar vrae daaroor beantwoord kan word.

Datum : 6 Mei 2025
Tyd : 17:00 vir 17:15 tot ongeveer 19:00
Plek : BKO Ouditorium

Vir diegene wat belangstel, kan u alreeds voor die tyd na die basiese uitslae van die opname kyk deur die skakel hieronder te volg, maar tydens die geleentheid sal heelwat meer detail gegee word en interessante korrelasies tussen verskillende vrae sal uitgewys word. Die statistiese geloofwaardigheid van die steekproef wat deur hierdie opname geneem is, sal ook bespreek word.
https://myorania.co.za/wp-content/uploads/Alle-uitslae-opgesom.xlsx

Indien iemand spesifieke vrae het wat hulle voor die tyd reeds onder ons aandag wil bring, sodat dit tydens die geleentheid beantwoord kan word, is u welkom om dit na burger@myorania.co.za te stuur.

Vriendelike groete,

Burger Lambrechts
Orania Dorpsraad : Kommunikasiebeampte

Inwoners kan, soos altyd, die Dorpsraad kontak deur die volgende skakel te gebruik: 🔗 https://myorania.co.za/kontak-ons/
Indien u dit anoniem wil doen, kan u ‘n opmerking plaas in die Anonieme Forum op ons webwerf: 🔗 https://myorania.co.za/anonieme-voorstelle-opmerkings-of-klagtes/