TERUGVOER VANAF OVR SE AMERIKA AFVAARDIGING

071/2025

8 April 2025

Geagte Aandeelhouers en Inwoners,

TERUGVOER VANAF OVR SE AMERIKA AFVAARDIGING

Opsomming : Die OVR gee Woensdagaand terugvoer oor hulle besoek aan Amerika en oor huidige politieke belangstelling in Orania.

Die OVR gebruik hiermee die Dorpsraad se kommunikasiekanale om soveel as moontlik inwoners in te lig van ‘n opkomende inligtingsessie.

Inwoners sal onthou dat die Orania Verteenwoordigende Raad (OVR) op 17 Februarie ‘n gemeenskapsgesprek gehou het, waartydens President Trump se uitvoerende opdrag oor Suid-Afrika en die vlugtelingstatus wat aan Afrikaners aangebied is, bespreek is. Na aanleiding van daardie gesprek het twee lede van die OVR, saam met ‘n Orania-afvaardiging, na Amerika gereis om die situasie in meer detail met Amerikaanse belanghebbendes te bespreek.

Die OVR skep graag hiermee ‘n geleentheid om in meer diepte terugvoer te gee oor die besoek aan Amerika en nooi alle Oraniërs uit om hierdie inligtingsessie daaroor by te woon. Daar sal tydens die geleentheid ook terugvoer gegee word oor huidige politieke belangstelling in Orania.

Datum : Woensdag, 9 April 2025
Tyd : 18:00
Plek : BKO Ouditorium

Vriendelike groete,

Riaan Jacobs
OVR : Voorsitter

Inwoners kan, soos altyd, die Dorpsraad kontak deur die volgende skakel te gebruik: 🔗 https://myorania.co.za/kontak-ons/

Indien u dit anoniem wil doen, kan u ‘n opmerking plaas in die Anonieme Forum op ons webwerf: 🔗 https://myorania.co.za/anonieme-voorstelle-opmerkings-of-klagtes/