VAKANTE POS AS NETWERK- EN STELSELADMINISTRATEUR

020/2026

20 Februarie 2026

Geagte Oraniërs,

VAKANTE POS AS NETWERK- EN STELSELADMINISTRATEUR

Opsomming : Daar is ‘n pos beskikbaar by die Orania Dorpsraad as netwerk- en stelseladministrateur. Aansoeke sluit op Vrydag, 13 Maart 2026.

Oor die pos:

Die Netwerk- en Stelseladministrateur sal in diens wees van Orania Dorpsraad, ʼn dinamiese instelling wat groei en strewe om op die voorpunt van dienslewering te wees. Die Netwerk- en Stelseladministrateur sal diens lewer aan al die filiaalmaatskappye van die Dorpsraad van Orania en verantwoordelikheid neem vir die volgende:
• Opstel en instandhouding van roeteerders en skakelaars (Routers en switches)
• Opstel, instandhouding en opgradering van bedieners (wolk en plaaslike bedieners)
• Opstel, onderhoud en ontwikkeling van MicroSoft365
• Opstel, onderhoud, opgradering en ontwikkeling van stelselveiligheid
• Opstel en verifiëring van rugsteun van stelsels en opstellings.
• Opstel en onderhoud van telefoonstelsel
• Oudit en verbeter algehele sekuriteit om nuutste aanval tendense hok te slaan
• Opstel, onderhoud en monitering van netwerke
• Administreer en onderhou video bestuur stelsel (VMS) vir beheerkamer kameramonitering

Vereistes vir ʼn suksesvolle aansoeker
Die ideale kandidaat vir bogenoemde pos moet oor die volgende beskik:
• ʼn Sterk verbintenis tot die strewe van Orania en ʼn verbintenis tot die beginsels van selfstandigheid, selfwerksaamheid en trotse Afrikanerskap soos in Orania beoefen
• ʼn Toepaslike naskoolse kwalifikasie en vyf jaar se vorige ondervinding in die Informasie Tegnologie-veld
• Netwerksertifisering sal ʼn sterk aanbeveling wees (bv. CompTIA Netwerk+, Mikrotik)
• Linux ervaring
• Moet onder druk kan funksioneer en by doeldatums kan hou
• Moet in besit wees van ʼn geldige bestuurderslisensie.
• Goeie administratiewe vaardighede
• Die vermoë om goeie menseverhoudinge te handhaaf
• ʼn Sin vir deeglikheid en konsekwente optrede
• Verblyfreg in Orania
• Inligting vertroulik hanteer

Aansoekproses

Aansoeke moet voor of op Vrydag 13 Maart 2026 om 16:30 elektronies of by die Dorpskantoor in Orania ingedien word. Slegs aansoeke in Afrikaans sal oorweeg word. Aansoeke per e-pos kan gestuur word aan: theunie@myorania.co.za .

Skakel Theunie Kruger by 053 207 0063 vir navrae.

Theunie Kruger
Hoof: Bedryfstelsels en Outomatisering

Inwoners kan, soos altyd, die Dorpsraad kontak deur die volgende skakel te gebruik: 🔗 https://myorania.co.za/kontak-ons/
Indien u dit anoniem wil doen, kan u ‘n opmerking plaas in die Anonieme Forum op ons webwerf: 🔗 https://myorania.co.za/anonieme-voorstelle-opmerkings-of-klagtes/