VAKANTE POS BY BEPLANNING EN GRONDGEBRUIK

073/2025

9 April 2025

Geagte Aandeelhouers en Inwoners,

VAKANTE POS BY BEPLANNING EN GRONDGEBRUIK

OPSOMMING : Daar is ‘n vakature beskikbaar as Sekretaris : Beplanning en Grondgebruik.

Oor die pos

Die Sekretaris belas met Beplanning en Grondgebruik doen verantwoording aan die Hoof: Beplanning en Grondgebruik en is verantwoordelik vir die volgende:
• sekretaris vir die Grondgebruikbestuurskomitee;
• sekretaris vir Orania Grondgebruiktribunaal;
• administrasie van alle grondgebruiksaansoeke, administrering van bouplanaansoeke, bouinspeksies en bewoning- en soneringsertifikate;
• administratiewe ondersteuning aan die Hoof: Beplanning en Grondgebruik;
• administratiewe ondersteuning aan die Bou-inspekteur;
• administrasie van aansoeke vir besigheidsregistrasies, advertensieborde/plakkate/baniere.

Vereistes vir die suksesvolle aansoeker

Die ideale kandidaat vir bogenoemde pos sal oor die volgende beskik:
• ʼn naskoolse kwalifikasie of 5 jaar+ ervaring in enige beplannings-, ontwikkelings- of administratiewe omgewing;
• bogemiddelde administratiewe vermoëns;
• baie goeie rekenaarvaardighede;
• rekenkundige vaardigheid;
• oor goeie menseverhoudinge beskik, maklik met die publiek omgaan en gemaklik in spanverband werk;
• ‘n sterk verbintenis tot die strewe van Orania en ‘n verbintenis tot die beginsels van selfstandigheid, selfwerksaamheid en trotse Afrikanerskap.

Aansoekproses

Aansoeke moet voor of op Woensdag 23 April 2025 om 16:30 by die Orania Dorpskantoor ingedien word. Skakel die Dorpskantoor by 053 207 0064 vir navrae. Aansoeke kan per e-pos of harde kopie ingedien word. Stuur e-posaansoeke aan cobus@myorania.co.za. Salaris is op aanvraag beskikbaar en posaanvaarding is so gou as moontlik.

Vriendelike groete,

Cobus Pretorius
Hoof: Beplanning en Grondgebruik

Inwoners kan, soos altyd, die Dorpsraad kontak deur die volgende skakel te gebruik: 🔗 https://myorania.co.za/kontak-ons/

Indien u dit anoniem wil doen, kan u ‘n opmerking plaas in die Anonieme Forum op ons webwerf: 🔗 https://myorania.co.za/anonieme-voorstelle-opmerkings-of-klagtes/