VAKANTE POS – PERSOONLIKE ASSISTENT TOT DIE UITVOERENDE HOOF

010/2026

3 Februarie 2026

Geagte Oraniërs,

VAKANTE POS – PERSOONLIKE ASSISTENT TOT DIE UITVOERENDE HOOF

Opsomming : Let asseblief op die volgende pos wat beskikbaar is by die Dorpsraad.

Oor die pos

Die Orania Dorpsraad is ʼn dinamiese instelling wat groei en daarna strewe om op die voorpunt van vriendelike dienslewering te wees. Die suksesvolle kandidaat sal verantwoordelik wees om die kantoor by te staan met die volgende:
* Persoonlik assistent tot die Uitvoerende Hoof, wat onder andere (1) algemene administrasie, (2) koördinering en reël van afsprake en ontmoetings en ook (3) enige ander redelike take soos deur Uitvoerende Hoof versoek, sal insluit.
* Bestuur en besprekings van Dorpsraadgeriewe
* Bestuur en besprekings van grafte
* Ondersteuning aan ontvangsdame
* Bestuur en bestellings van gebottelde Orania Kraanwater
* Bestuur en besprekings van Orania Karnavalstalletjies
* Bestuur van sleutels van Orania Dorpsraadgeriewe
* Orania Dorpsraad voertuigregistrasies en hernuwing van voertuiglisensies

Vereistes vir ʼn suksesvolle aansoek

Die geskikte kandidaat vir bogenoemde pos sal oor die volgende beskik:
* Dienskneg van Jesus Christus
* ʼn Sterk verbintenis tot die selfbeskikkingstrewe van Orania en die beginsels van selfstandigheid, selfwerksaamheid en kulturele Afrikanerskap.
* Minimum van drie jaar ondervinding in ʼn soortgelyke administratiewe / sekretariële omgewing
* Goeie rekenaarvaardighede, spesifiek Microsoft Office (Excel, Word, ens.)
* Onder druk kan funksioneer en by doeldatums hou
* Uitstekende administratiewe vaardighede
* Goed in ʼn span kan saamwerk
* Netjies voorkoms, hoflik, vriendelik met goeie telefoonetiket
* Vermoë om verskillende take gelyktydig te doen en tyd effektief te bestuur
* Die vermoë om goeie menseverhoudinge te handhaaf
* Veblyfreg in Orania

Aansoekproses
Aansoeke in Afrikaans moet voor of op 27 Februarie 2026 om 16:30 by die Orania Dorpskantoor ingedien word. Skakel Gawie Snyman by 053 207 0063 vir navrae. Aansoeke kan per e-pos of harde kopie ingedien word. Stuur e-posaansoeke aan inligting@myorania.co.za.

Vriendelike groete,

Gawie Snyman
Dorpsraad : Uitvoerende Hoof

Inwoners kan, soos altyd, die Dorpsraad kontak deur die volgende skakel te gebruik: 🔗 https://myorania.co.za/kontak-ons/
Indien u dit anoniem wil doen, kan u ‘n opmerking plaas in die Anonieme Forum op ons webwerf: 🔗 https://myorania.co.za/anonieme-voorstelle-opmerkings-of-klagtes/