VAKANTE POSTE : GEMEENSKAPSDIENSTE JUNIOR TEGNIESE ASSISTENTE

146/2025

7 Augustus 2025

Geagte Oraniërs,

VAKANTE POSTE : GEMEENSKAPSDIENSTE JUNIOR TEGNIESE ASSISTENTE

Opsomming : Soortgelyk aan wat onlangs in kennisgewing 135/2025 geadverteer was, is daar nog twee vakante poste as Junior Tegniese Assistente in Gemeenskapsdienste se buitespanne beskikbaar en aansoeke daarvoor kan ingedien word tot 22 Augustus 2025.

Oor die poste:
Die Gemeenskapsdienste: Junior Tegniese Assistente sal in diens wees van Orania Dorpsraad, ‘n dinamiese instelling wat groei en strewe om op die voorpunt van dienslewering te wees. Die Junior Tegniese Assistente sal in ʼn span werk wat onder andere vir die volgende verantwoordelikheid neem :
• algemene estetiese voorkoms van Orania
• instandhouding van besproeiingstelsels
• netheid van sypaadjies
• onderhoud van sportterrein
• onderhoud van geboue
• onderhoud van parke en tuine
• onderhoud van Orania Begraafplaas
• voorbereiding van grafte en bystand by begrafnisse
• onderhoud van Orania Gemeenskapswembad
• ondersteuning tydens die Orania Karnaval
• ondersteuning met huurtoerusting
• ondersteuning tydens geleenthede wat die Orania Dorpsraad reël
• ondersteuning tydens gemeenskapsgeleenthede
• algemene herstel en onderhoud van toerusting
• kleiner bouwerk
• hulpverlening met nooddienste onder toesig
• algemene konstruksie en werkswinkel-assistent

Vereistes vir ʼn suksesvolle aansoeker
Die ideale kandidate vir bogenoemde poste moet oor die volgende beskik:
• ʼn Sterk verbintenis tot die strewe van Orania en ʼn verbintenis tot die beginsels van
selfstandigheid, selfwerksaamheid en trotse Afrikanerskap soos in Orania beoefen
• Moet onder druk kan funksioneer en by doeldatum kan hou
• Moet in besit wees van ʼn geldige bestuurderslisensie
• Bewese tegniese vaardighede
• Goeie menseverhoudings
• Kennis in bou, grondverskuiwing, natwerk, besproeiing, algemene onderhoud van toerusting
• Goed in ʼn span kan werk
• Moet reeds in Orania woon of besig wees met verblyfreg proses

Aansoekproses
Aansoeke moet voor of op Vrydag 22 Augustus 2025 om 16:30 by die Dorpskantoor in Orania ingedien word of per e-pos gestuur word aan: otto@myorania.co.za . Slegs aansoeke in Afrikaans sal oorweeg word.

Diensaanvaarding: 01/09/2025

Vriendelike groete,

Otto du Plessis
Gemeenskapsdienste : Operasionele Bestuurder

Inwoners kan, soos altyd, die Dorpsraad kontak deur die volgende skakel te gebruik: 🔗 https://myorania.co.za/kontak-ons/
Indien u dit anoniem wil doen, kan u ‘n opmerking plaas in die Anonieme Forum op ons webwerf: 🔗 https://myorania.co.za/anonieme-voorstelle-opmerkings-of-klagtes/