VEILIGHEIDSOEFENING BINNE DIE VOLGENDE WEEK

Geagte Aandeelhouers en Inwoners,

VEILIGHEIDSOEFENING BINNE DIE VOLGENDE WEEK

Opsomming : Alle weerbare mans in Orania word versoek om binne die volgende week aan ‘n veiligheidsoefening deel te neem.

Orania Veiligheidsdienste (OVD) en die Orania Weerbaarheidsvereniging (wat onder andere die taakspanne en reserwegroepe insluit) beplan ‘n reaksie-oefening in die komende week, waarnatoe alle weerbare mans opgeroep word. ‘n Reaksie-oefening behels slegs ‘n toets van die doeltreffendheid waarmee die dorp in noodgevalle kan mobiliseer, so dit sal dus nie ook die praktiese hantering van ‘n gesimuleerde noodsituasie insluit nie.

Alle mans wat ‘n bydrae kan lewer tot die beveiliging van die dorp, selfs al vorm hulle nog nie deel van die amptelike strukture nie, word versoek om deel te neem. Die presiese tyd van die oefening sal nie vooraf aangekondig word nie, maar wanneer dit in aanvang neem, sal die dorpsirene loei, sal inligting op Radio Orania uitgesaai word en sal dit op WhatsApp-groepe gedeel word. Almal wat kan deelneem moet dan so spoedig moontlik na die Veiligheidsgebou beweeg om verdere instruksies te ontvang.

Vriendelike groete,

Ettiene de Lange

Hoof : Orania Veiligheidsdienste (OVD)

U kan, soos altyd, die Dorpsraad oor enige onderwerp kontak deur die volgende skakel te volg : $ https://myorania.co.za/kontak-ons/$ 

Indien u dit anoniem wil doen, kan u die Anonieme Forum op die myorania.co.za webwerf gebruik, deur die volgende skakel te volg – $ https://myorania.co.za/anonieme-voorstelle-opmerkings-of-klagtes/$