VERVROEGDE OPENINGSDATUM VAN DORPSWEMBAD

Geagte Aandeelhouers en Inwoners,

VERVROEGDE OPENINGSDATUM VAN DORPSWEMBAD

In kennisgewing 123/2024, het ons inwonders ingelig dat die dorpswembad eers op 27 September sal oopmaak hierdie jaar, maar ons is bly om nou te laat weet dat dit met ‘n week vervroeg is! Die nuwe openingstyd en -datum is 10:00 op Vrydag, 20 September 2024.

Die vervroegde openingsdatum is moontlik gemaak deur die uitstekende nuwe watersuiweringsaanleg, wat, benewens die gewone watergebruik in die dorp, meer as 1 miljoen liter ekstra water vir die swembad verskaf het binne drie dae.

Ons is seker dat die feit dat die swembad nou vir die hele laaste week van die skoolvakansie gaan oop wees en dat dit boonop saamval met die week van die Orania Karnaval, gaan veroorsaak dat ‘n baie feestelike atmosfeer in die dorp heers!

Vriendelike groete,

Arno Lambrechts

Hoof : Gemeenskapsdienste