Ierse Monument

Hierdie monument huldig die Ierse vrywilligers aan die Boerekant tydens hulle heldhaftige verset teen  verowering van die Boere Republike in hul vryheidstryd teen die Britse ryk. Dit is aanvanklik op 1 November 1975 in Johannesburg onthul, maar het mettertyd met nuwe regerings se nuwe prioriteiete verval en is uiteindelik gesloop.

Die vier suile is egter gered en die monument is herbou en op 1 November 2002 weer in die Afrikanertuiste, Orania, onthul. Dit spreek van latere geslagte Afrikaners se volgehoue waardering vir die offers wat vir ons vryheid gebring is en van ons onvermoeide ywer om dit te herstel.