Orania Poskantoor

Orania Dorpsraad bestuur ‘n sateliettak van die Suid-Afrikaanse Poskantoor met beperkte dienste en magte a.g.v. die kode toegeken aan die tak in Orania.
Hierdie dienste sluit die volgende in:

– Die ontvang en uitstuur van briewe en pakkies wat via die SA Poskantoor se diens gestuur word. Dit sluit geregistreerde- en internationale pos en/of pakkies in.

– Hernuwing van TV-lisensies
– Betaling van Telkomrekeninge
– Uitreik van jag- en hengellisensies
– Uitreik van nuwe posbusse asook jaarlikse hernuwings
– Seëlverkope

Die tak verrig ook funksies van die Orania Dorpsraad en sluit die volgende in:
– Betaal van Orania Dorpsraad diensterekeninge
– Verspreiding van besigheidspamflette in posbusse
– Verkoop van kaartjies ten opsigte van Orania Dorpsraad geleenthede soos bv. die Orania Karnaval
– Ontvang van gelde vir Verblyfregaansoeke
– Ontvang van gelde ten opsigte van boetes uitgereik deur die Dorpsraad

Die tak kan ongelukkig nie die hernuwing en uitreik van voertuiglisensies behartig nie a.g.v die beperking op kode wat aan die tak toegeken is deur die Suid-Afrikaanse Poskantoor.

Die Orania Poskantoor kan gekontak word deur 053 207 0063 te bel en te vra om deurgeskakel te word.