DAAR IS NOG ENKELE PLEKKE BESKIKBAAR VIR UITSTALLERS BY DIE KARNAVAL

179/2025

22 September 2025

Geagte Oraniërs,

DAAR IS NOG ENKELE PLEKKE BESKIKBAAR VIR UITSTALLERS BY DIE KARNAVAL

Opsomming : Daar is nog enkele stalletjies (sonder elektrisiteit) beskikbaar vir diegene wat by die Orania Karnaval 2025 wil uitstal.

Indien daar mense is wat graag ’n uitstallers-stalletjie by die Orania Karnaval wil hê, maar dit nog nie bespreek het nie, moet hulle gou speel om een van die laaste beskikbare plekke te verseker.

Kontak asseblief vir Margie du Plessis by 053 207 0063 om een van die stalletjies sonder elektrisiteit te bespreek.

Onthou dat toegang op Vrydag 10 Oktober gratis is vir die publiek. Omdat dit saamval met die inhuldiging van die Kruger-beeld en items soos Ruan du Toit se optrede, word ’n groot skare verwag. Die hoofprogram op Saterdag 11 Oktober het ook talle hoogtepunte wat baie mense sal lok. Daar is dus ’n goeie kans dat hierdie jaar se Karnaval die meeste besoekers nóg gaan hê, en dat uitstallers baie blootstelling sal kry.

Opskud, tyd raak nou baie min! Bespreek ook ‘n stalletjie by die volgende skakel – https://oraniakarnaval.co.za/stalletjie-besprekingsvorm/

Vriendelike groete,

Arno Lambrechts
Karnavalmeester

Inwoners kan, soos altyd, die Dorpsraad kontak deur die volgende skakel te gebruik: 🔗 https://myorania.co.za/kontak-ons/
Indien u dit anoniem wil doen, kan u ‘n opmerking plaas in die Anonieme Forum op ons webwerf: 🔗 https://myorania.co.za/anonieme-voorstelle-opmerkings-of-klagtes/