HERINNERING : GEMEENSKAPSVERGADERING OP 18 JUNIE 2026 OM TERUGVOER OOR DIE GROOT ANONIEME MENINGSOPNAME TE DEEL

077/2026

17 Junie 2026

Geagte Oraniërs,

HERINNERING : GEMEENSKAPSVERGADERING OP 18 JUNIE 2026 OM TERUGVOER OOR DIE GROOT ANONIEME MENINGSOPNAME TE DEEL

Opsomming : Inwoners word herinner daaraan dat daar môreaand (Donderdag, 18 Junie) om 17:30 ‘n openbare vergadering in die BKO-ouditorium plaasvind om die bevindings van die groot anonieme meningsopname wat onder die hele Orania-gemeenskap gedoen is, bekend te maak.

Oraniërs sal onthou dat die jaarlikse meningsopname – waarin ons gemeenskap sy sentiment oor ‘n groot verskeidenheid sake kon laat hoor – ongeveer twee maande gelede afgehandel is.

Daar is vele interessante bevindings daaruit gemaak en belangrike tendense oor verskillende aangeleenthede kon geïdentifiseer word. ‘n Mens kan baie duidelik sien waaroor inwoners tevrede is, maar ook watter dinge verbeter kan word.

Hierdie beplande vergadering volgende week sal ‘n opsomming van die opname se bevindinge voorhou, maar die volledige uitslag sal ook dan gepubliseer word vir diegene wat kans sien om self in meer besonderhede deur die groot hoeveelheid “rou” inligting te werk.

Ons nooi dus alle belangstellendes uit om die vergadering by te woon en ‘n objektiewe meting van ons mense se algemene sentiment te sien, wat elkeen se persoonlike gevoelens kan bevestig óf weerlê.

Vriendelike groete,

Burger Lambrechts
Orania Dorpsraad – Kommunikasie

Inwoners kan, soos altyd, die Dorpsraad kontak deur die volgende skakel te gebruik: 🔗 https://myorania.co.za/kontak-ons/
Indien u dit anoniem wil doen, kan u ‘n opmerking plaas in die Anonieme Forum op ons webwerf: 🔗 https://myorania.co.za/anonieme-voorstelle-opmerkings-of-klagtes/