‘N LANG ESKOM KRAGONDERBREKING OP 7 JUNIE BEHOORT OORBRUG TE WORD DEUR ORASOL

107/2025

4 Junie, 2025

‘N LANG ESKOM KRAGONDERBREKING OP 7 JUNIE BEHOORT OORBRUG TE WORD DEUR ORASOL

Opsomming : Eskom sal op 7 Junie (eerskomende Saterdag) geen elektrisiteit aan Orania verskaf tussen 08:00 en 16:00 nie, maar die Sonplaas en battery behoort te verseker dat daar nie ‘n kragonderbreking in Orania Dorpsgebied sal wees nie.

Die onderhoudswerk wat ESKOM veronderstel was om laas Saterdag, 31 Mei, in Orania te verrig, het toe nooit gebeur nie en dit is met presies een week aangeskuif. Daar sal dus eerskomende Saterdag, 7 Junie, ’n agt uur lange ESKOM kragonderbreking in Orania wees, maar Orasol behoort in dié tydperk aan al die dorpsgebied se elektrisiteitsbehoeftes te kan voldoen, so inwoners sal waarskynlik nie eers agterkom dat ESKOM se krag af is nie.

Dit mag moontlik gebeur dat aardlek-stroombrekers oopmaak tydens die oorskakeling van Eskom na Orasol, so indien inwoners se krag enige tyd Saterdag onderbreek word, moet hulle asseblief hul brekers nagaan en weer toemaak indien nodig.

Indien dit wel sou gebeur dat die krag afgaan, moet inwoners altyd, ter wille van veiligheid, enige kragpunte of toestelle as lewendig beskou.

Vriendelike groete,

Gawie Snyman
Uitvoerende Hoof

Inwoners kan, soos altyd, die Dorpsraad kontak deur die volgende skakel te gebruik: 🔗 https://myorania.co.za/kontak-ons/
Indien u dit anoniem wil doen, kan u ‘n opmerking plaas in die Anonieme Forum op ons webwerf: 🔗 https://myorania.co.za/anonieme-voorstelle-opmerkings-of-klagtes/